Edifisiu Camara Munisipiu remata ona,, bainhira mak hahu uja?

Ida nee maka edifisiu ba camara municipiu Oekusi prepara liu husi projeitu PDD iha 2010, maski projeito konstrusaun edifisiu ne'e remata ona ninia konstrusaun husi compnha : STAR LIFAU ne'e hein deit ona atu inagura husi ministeriu estatal iha tinan ne'e nia laran.
perguntas mak ne'e bainhira mak edifisiu ne'e atu komesa uja?

Hanesan ita hotu hatene, eleisaun parlamentar ba nasional sei halao iha 2012 maibe eleisaun ba assemblia munisipal no presidenti munisipal  ate a data seidauk iha mudansas signifikantes husi ninia proposta de lei ne'ebe governu prepara tiha nanis hahu iha 2007.

komunidade komesa hahu duvidas dadauk, se kuandu eleisaun ba assemblia munisipal sei ladauk halo, tamba sa gasta osan ba harii edifisiu bot ne'e tinan 2-3 antes,, serake prioridades ba komunidade iha tinan ne'e se infrenta hela oinsa dalan diak atu resolve.

TIMOR HAU NIAN DOBEN: “FRETILIN Eziji PN Klarifika Viazen Ba Rai Liur”

TIMOR HAU NIAN DOBEN: “FRETILIN Eziji PN Klarifika Viazen Ba Rai Liur”

Green Games / Jogu Matak ba dala V nian hetan kanselasaun husi Asosiasaun Futebol Oecusse

30 Maiu horseik, tuir los marka hanesan loron lansamentu ba dala V JOGU MATAK ou GREEN GAMES ne'ebe tinan 2011 marka ona ba dala V. atifidades ne'ebe organiza husi ONG lokal OZ Green ne'e tuir los lansa ho loke torneo futebol ekipa mane entre FC Mahata no FC Oebau.

Tuir relatoriu OZ Green, Atifidades ne'e hetan kanselasaun husi Presidenti AFO Jacob de Araujo tamba deit razaun laiha konhesemento husi Komisaun Organizadora Green Games V Oecusse.

Jovens Januario Elu, lamenta tebes ho hahalok ne'e tuir nia hare durante ne'e AFO nungka halibur jovens sira hodi hamutuk halo torneo futebol ruma, uniku tinan-tinan iha deit Green Games, nune'e lalika kansela deit tamba rasaun la prufundu." salianata Elu wainhira kasu nia ekspresaun ba TOLAS iha kampu futebol Oebau.

TOLAS mos observa katak kondisoens kampu, hadia rasik husi ONG OZ Green maibe balun la aprovieta tamba sai tiha deit fali hansa istrada ,liu-liu hola baliza ho Hotel INUR SACATO nian.

Nune mos tuir Jovens Edmundo hateten katak "Jovem Oecusi hein hela turneiu ne mas se la akontese antaun que pena... hein katak maun Jaco bele laran hakraik atu turneiu ne bele akontese fali"..






Presidenti AFO sidauk bele hetan ninia konfirmasaun antes TOLAS hatun news ne'e tamba laiha fatin.

Feto Oekusi ijiji ba partido hotu adopta lalais Lei ba Eleisaun Parlamento Nasional

\

Hafoin lee tiha iha Buletim Monitorizasaun Parlamento fo sai husi Judisial System Monitoring Program ( JSMP ) edisaun Sigunda 9 2011, Titlu Parlamentu Aprova Alterasaun Lei ba Eleisaun Parlamentu Nasionál

Centro Feto Enclave Oecusse (CFEO) konvoka kedas diskusaun espesial ida atu hare ba assuntu ne'e hodi debate iha diskusaun ho membrus feto sira iha base inklui grupu feto sira iha Partidu Politika.

CFEO ho ida ne'e hatoo rekomendasaun makaas no ijiji ba partidu Politika 26 ne'ebe oras ne'e dadauk rejisto ona iha Ministeriu Justica hodi bele adopta lalais alterasaun Lei ba eleisaun Parlamento Nasional nian hodi asegura involvemento feto iha lista apresentasaun kandidaturas ba eleisaun Parlamentar oin mai.

Hare mos ejijensia husi Plata Forma Aksaun 2007 husi Kongresso REDE FETO TIMOR LESTE nian hodi hasae kondisoens afirmativas ba numeru partisipasaun vida feto iha politika hodi nune CFEO mos urjentemente ijiji ba CNE atu tau mekanismu diak i simples hodi bele sukat no monitoriza lalaok Partido nian liu husi asegura politika oinsa bele hetan no atinji rekerementus husi numeru lista apresentasaun kandidatura husi feto ida entre mane 2 hanesan vigora ona iha Lei ba Eleisaun Parlamento Nasional.

CFEO mos nudar organizasaun feto base iha Oekusi ho ksolok tebes hakarak koopera ho Partido ne'ebe deit hodi fo assistensia ba aumenta kapasidade no kualidade feto sira nian hasoru eleisaun geral PN tinan 2012.

Anastasia de Jesus da Silva nudar Manager Programa mos rekomenda ba UN WOMEN atu fo assistensia makaas liu tan ba tau mekanismu monitorizasaun no evaluasaun ne'ebe makaas atu hare ba oinsa Lei ne'e praktikamente egual ba feto no mane iha de vakto no de jure.

Publika iha CFEO Blogspot http://enclaveoecusse.blogspot.com/2011/05/cfeo-nia-komunikadu-imprensa-relasiona.html