Multi Projeto ho total Milliaun 2 resin oferese ba Oecusse liu husi PDD 2011

Oecusse, Tersa 12 Julhu 2011 iha salaun Administrasaun konsentra membrsu de departementus relevantes hodi assisti lansamento Projeto Desenvolvemento Distrito liu husi Komisaun Desenvolvemento Distrito (KDD) lidera husi Jose Anuno nudar Administrador Distrito Oecusse.

Departemento ministeriu ne'ebe kompentente no iha ninia projeto integra ba PDD hare mai husi Agricultura, Edukasaun, Solidaridade i Sosial, Agua i Saneamento no Estatal.

TOLAS wainhira konfirma ba KDD hetan resultadu katak PDD ba 2011 husi MAEOT rasik kuaje too  USD $ 237.000 i mayoria ida ne'e lidera rasik husi Sukus sira ho kompanha lokal.

Alende Ne'e hare  husi Kapital desenvolvemento nian, kompostu jere no hetan husi ministeriu 4 iha projecto lubun ida mak se oferese ba Emprezario sira ne'ebe iha Oecusse hodi hahu asina kontrato atu implementa projeto hirak ne'e.

Total fundus tuir Kalkulasaun TOLAS nian wainhira hare ba total projecto kapital desenvolvemento tuir Livro 3 Orsamento Geral do Estado 2011 nian ba Distrito Oecusse kuaje liu husi Milliaun 2 resin.

Projeto hirak ne'e mai husi Departemento Agricultura, Departemento Agua i Saneamento, Departemento Edukasaun i mos departemento Soslidaridade sosial.

Total montante Projeto hirak ba 2011 iha leten hamutuk USD $ 2.532.000

ba periodu servisu fulan 6-9 antes remata.

Observasaun TOLAS mayoria emprezarios la marka presenja iha seremonia lansamento ida ne'e maibe hetan deit telefone hodi mai asina kontratu antes tuku 14.00 oras meudia loron Tersa 12 Julhu 2011.

Oecusse tuir dadus Sensus Populasaun 2010 iha ona ema nain 65,524 ne'ebe hela namkari iha Sub distrito Haat iha teritoria enclave ida ne'e. Dala ida tan, Milliaun 2 resin sei investe husi Projeto Desenvolvemento Distrito liu husi Komisaun Desenvolvemento Distrito Oecusse iha 2011 ita hein ninia resultado.

Mateus Tunes is kotu iha Dili, sae nakroma mai la tau iha kaisaun.

Mateus Tunes nia is kotu iha ospital Nacional Guido Valadares, Domingo dia tres julhu dios mil onze, tamba Doutor sira la bele salva husi moras ne’ebe ataka nia. Deputadu Antonio Cardoso informa kestaun ne’e iha plenaria parlamentu nacional terca-feira dia sinco julhu dois

mil onze foin lalais ne’e. iha nia komentario Antonio husu ba Governu tenke selu debe sira ne’e lalais, se lae Timor leste bele sai estadu divida.

Antonio Cardoso hetan informasaun ne’e husi familia matebian katak, bainhira familia sira husu ajuda kaisaun, MSS hatan Kaisaun la iha. Kompania Karpinteira ne’ebe durante ne’e fornese Kaisaun, la fo tamba MSS la selu osan ba kaisaun ne’ebe Ministeriu foti durante ne’e. tan ne’e mak membru oposisaun FRETILIN ne’e hateten katak tinan- tinan aloka osan barak iha osamentu estadu, maibe povu kontinua terus, governu kontinua debe no selu tusan.

Hatan ba kestaun ne’e Agapito Cardoso Xefe departementu Funerários rekonese failansu ka atrazu selu tusan, iha nia komentario hateten ba media ne’e katak prosesu pagamentu ne’e la’o hela maibe nia la’o tarde tamba ho rajaun servisu mak barak. Infroma Agapito ba Diariu Timor Post Terca-feira dia sinco julhu 2011. (Ato)  http://timorhauniandoben.blogspot.com/2011/07/mss-deve-kaisaun-usd-6000.html sani iha nee hodi kompara liu tan.

 

Tuir Agustinus Nessi 39 ano hela iha Oecusse wainhira hatan ba TOLAS nia perguntas hafoin TOLAS fo lee tiha notisias nee iha lian baikenu ba nia hateten katak " uluk nee tamba ambulance no kareta mate fatin nee ema Oecusse oan sira tau matan ba, agora ema Oecusse atu harohan ba se, iha deputada mos agora Oecusse oan sira laiha liu kbiit atu ba buka ajudu. Se ita nia ema iha Dili laiha oinsa mak ita atu hare ita nia povu." .

 

Alende de Sekretario estadu regiaun Oecusse mos laos meios atu husu ajuda wainhira ema kbiit laek hanesan husi Oecusse hetan susar no terus iha Kapital Dili.  Distrito Oecusse kompara ho 12 distrito iha teritoriu tomak kiak no mukit liu. i tuir konstituisaun RDTL Oecusse merese hetan ona tratamento spesial maibe ate agora sidauk vigora tuir lei ida.Prekupasaun nee espera se alokentese tan iha futuru ba povu atoni seluk.Ita hein ( Acn)

 

Fulan 2 tan, Oecusse rona ona radio maubere

" hau mos hakarak hateten ba imi hotu iha oecusse, lakleur tan, lakleur deit iha fulan 2 oin mai imi hotu bele hetan ona lisensa atu rona lian radio maubere iha FM 96.2'' Nee Jose Reis, Adjunto Secretaria Geral da Fretilin nia liafuan iha okazisaun enseramento Konferensia Distrital da Fretilin ne'ebe halao iha Oekusi hola fatin iha salau Igreja Nossa Senhora do Rosario de Fatima, Numbey- Pante Makassar 2 de Julhu 2011.

TOLAS wainhira dada liu tan ho Adjunto ne'e mos hetan informasaun klean liu tan kona ba papel media Radio Maubere ne'ebe hari rasik husi Partido Fretilin hodi sai hanesan media radio partido nian iha distrito sanulu resin tolu.

Tuir pontus seluk mos, Oras nee dadauk rejistrasaun ba Radio Maubere ninia lisensa abertura kobre regiaun Oecusse tama ona iha Timor Telkom hein deit katak iha antes fim de Augusto tinan ne'e Oecusse oan sira bele rona tan ona radio ida tan, ne mak RADIO MAUBERE.

http://www.facebook.com/home.php#!/radiomaubere iha linha web ne'e Oecusse oan sira residensia iha regiaun ne'e bele aksesu profisoriamente liu husi facebook radio maubere nian maski nune persija atu tama( sign up ) ba facebook antes atu sai membrus group ida nee ou bele mos ba sira nebe membrus facebookers ona ( persija sign in deit ) i add ba group radio maubere nee i klik ASK TO JOIN GROUP.

Tuir observasaun TOLAS iha distrito Oecusse, tuir assesmento kiik ida nebe AERCON halo ba populasaun 225 respondentes iha fim de Junhu foin lalis nee hatudu katak 56 % populasaun rona liu radio ( refere ba Radio Communidade Atoni Lifau ) i 36 % husi ne'e rona kalan-kalan.( AERCON ; apresentasaun sobre abatesemento bee mos area urbana distrito Oecusse, 30 Junhu 2011)  

TOLAS espera katak ho presenja husi eksistensia Radio, Journal, no meius seluk media nian iha Oecusse se ajuda diak liu tan prosesa transformasaun sosial ba injustica, irregularidades no mos haksoi povu enclave ne'e husi falta ba informasaun.