Hela loron ida deit tan atu realiza Congresso nasional ba dala rua CNRT nian iha Dili , CNRT distritos Oecusse mos prepara aan dadauk, inklui hare lista delegadas sira nain 41 ne'ebe sei arangka husi Oecusse ho Ferry KMP Pulau Sabu husi Oecusse ba Dili.
Wainhira hatan ba TOLAS nia konfirmasaun kona ba Komposisaun Delegadas CNRT Oecusse nian ba iha Conggresso ida ne'e, Firmino Taeque nudar Sekretario Geral CNRT Oecusse hatan katak ' hamutuk delegadas nain 41 mak sei arrangka ba Dili no entre delegadas 41 ne'e feto ida no mane 40'
Tuir Observasaun TOLAS, antes realiza Congresso nasional ba dala 2 ne'ebe sei halao iha Dili husi 29-1 Maiu 2010 ne'e la iha Kongresso nivel distrito atu hili delegadas sira so uniku Congresso ne'ebe halao iha tinan 2010 CNRT Oecusse konsege halao Konferensia ba dala uluk nian i resulta hili estrutura foun no Jacob de Araujo eleito nudar Koordenador Distrito.
TOLAS alende ne'e mos hare katak mayoria spanduk no informasaun ba Congresso CNRT nian barak liu kobre deit iha Cidade Dili hanesan Kapital maibe la too iha Nivel Distrito.
wainhira liu husi TOLAS nia Facebook husu ba lee nain sira nia hanoin sa mak bele sai hanoin diak ba delegads CNRT Oecusse sira tuir Ozy Atoni -Oekussi hateten katak "
Tolas:Husi hw nia analize pesoal durante ne'e Katak,, Delegadus partidu CNRT husi distritu oe-kusi se iha maibe numeru sei menus tanba kestaun barak, kestaun ida mak karik tanba durante ne'e CNRT iha oekusi iha problema interna partidu ni...an hahu kedas husi 2007,halo militantes barak mak sai husi CNRT inclui mos ema sira ne'e sakrifisiu makas ba CNRT hodi manan iha Oekusi iha 2007. Hw fiar katak CNRT nia delegadus sira husi oekusi sei foka sai problema ida ne'e durante Cogresu. Ikus liu hw nia konkluzaun katak Partidu atu atrai simpatizantes no militantes ne'ebe barak husi tereinhu ne'e laos tanba partidu ne'e Naran boot k partidu historiku nian, maibe povu sei hili kuandu iha partidu ne'e rasik iha ema ne'ebe hamosu hanoin k programa trategica hodi bele dezemvolve povu ATONI OE-KUSI. Hw espera povu ATONI Oe-kusi tomak persiza loke matan didiak hodi fihir ba ema ne'ebe mak iha interese duni ba Povu oe-kusi nia moris diak no senti duni katak povu Atoni oekusi persiza moris diak..hw mos fiar katak Povu Atoni oe-kusi matenek nain duni no sei fihir liu ba ema ne'e kaer partidu refere iha Oekusi no sira sei la fihir liu ba Partidu nia Naran. HW mos hakarak fo Sugestaun ida ba TOLAS karik iha oin mai bele publika mos Partidus politika iha distritu oekusi konaba sira nia iha hanoin ba elisaun geral 2012. Gracia ba TOLAS NIA HANOIN IDA NE'E,,,
TOLAS mos lamenta kona ba tamba sa numeru delegadas Feto menus liu kompara ho delegadas mane maibe lahetan klarifikasaun klaru no hetan deit reafirmasaun katak delegadas nee hili ona hanesan nee no sei laiha mudansa.
Antes nee, Partidu CNRT hanesan partido Mayoria promove tebes direitu ba egualidade hanesan entre feto no mane lahare ba differensia generu no seksu no espera ida ne'e bele sai lisaun ba Partido seluk iha Oecusse mos atu aumenta partisipasaun feto inklui kedas husi komposisaun delegadas hodi nune espera representantes feto sira nia lian bele rona netik iha congresso nasional partido ida-idak nian.
Hi Tolas,
ResponderEliminarIda ne'e maka dehan politika nia lalaok. Ita hotu keta haluha katak ita hotu mos faz parte atitudi ida ne'e...dala barak feto sira tama iha lista nudar formalidadi deit...hodi halo kontenti mane sira nia sentidu superioriedadi. Ohin, itaboot sira bele hare momos katak CNRT Oecussi liu-liu Coordenador CNRT halo dunik pratika halo-an ida ne'e..maibe, kasian liu maka inan feto ne'ebe tama alvu....NIA iha dunik korajen no dever eh direitu atu partisipa iha politika maibe, 40 pesoas mane sira nia lian sei taka tomak.
Parabens, ba maluk sira CNRT Oecussi nebe halo sira nia kongresu,,nudar povu no luta nain hotu ita tenki respeita malu no espera ita sira seluk mos bele aprende hosi resultadu kongresu ne'e. Maibe, husu mos ba kongresista sira katak imi ba atu ejizi saida mak Autonomia ne'e,,, tanba uluk 2007 Presidente CNRT simu dunik ona imi nia hakarak hodi nune'e maka AMP deklara dunik Oecussi nudar rejiaun autonoma espesial wainhira nia ukun...maibe, depois kaer ukun imi CNRT rasik labele halao dunik politika no komitmentu ida ne'e basaa ema seluk nebe ibun dehan CNRT mas fuan no laran so hakarak destroi CNRT nia vitoria maka hadau tiha...hodi nune'e tinan oin eleisaun atu akontense tan ona maibe, imi nia komitmentu ne'e labele fasil atu bele implementa. Autonoma ne'e iha nebe?
Imi lalika tauk husu katuas Xanana tanba nian hadomi Oecussi oan hanesan mos katuas Marii Alkatiri iha tinan 2005 liu-ba. Maibe, imi nia maluk sira iha CNRT no Fretilin iha Oecussi nebe buka projeitu nebe besik liu sira mak bosok ba sira bebeik duranti tinan barak nia laran tena hodi halo konfiansa katuas Xanana labele halao dunik iha Oecussi ho fasil.
Lalika ba tuir congresu par too ikus imi so vota, basa liman no hamnasa deit, maibe, midar imi la-lambe itoan mos...lalika tauk tanba Presidente CNRT hakarak imi ko'alia ho nia ho onestu laos hanesan sira ne'ebe bosok bebeik nia...dehan nia mak CNRT, maibe duranti tinan 4 nian laran nia separa nia-an ho imi,,,imi atu ba visita nia uma mos nia taka nia odamatan ba imi,,,no seluk tan...Nia nunka konsidera imi katak povu no vota nain mak imi laos nia....imi dunik mak fo vitoria laos nia...Komprende??? keta haluha.....