OZ Green Timor Leste servisu hamutuk ho GREEN TL iha 2 Junhu horseik lansa fali tan dala ida Jogu Matak ba dala V. Jogu ne'ebe konhesedu liu ho Green Games ne'e halao iha deit ba Juventude feto mane iha distrito Oecusse hodi komemora liu loron mundial ambiente nian hanesan misaun no visaun organizasaun Oz Green iha Timor Leste.
TOLAS wainhira halo kobertura ba seremonia lansamento ne'e hare partisipasaun maksimu husi juventude sira inklui feto no mane husi grupu rua hanesan jogu voley bola no futebola.
Luis Armando Pina iha ninia lia menon ba abertura lansamento Jogu Matak hatete katak ' komitmentu Oz Green iha Oecusse se kuntinua halo nafatin Green Games tinan-tinan hodi fo hanoin joven feto no mane Oecusse sira hadomi ambiente no proteje natureza."
Nune mos husi Jacob de Araujo nudar presidenti Assosiasaun Futeboll Oecusse agradese ba esforsu tomak Oz Green nian hodi uja Jogu futeboll hanesan instrumentu ba Jogu Matak" hau enkoraja joven hotu atu bele partisipa iha atifidades Jogu matak ne'e ate nia rohan ho spiritu hadomi ambiente nafatin". taka Jaco iha ninia diskursu.
Tuir planu jogu ne'e se halao ba volley bola feto no mane inklui futeboll maibe ba mane deit.
partisipa iha seremonia lansamentu ne'e ekipa futeboll mane FC Amor Oebau hasoru FC Mahata ho 1-0.
Tama iha Oz Green TL nia facebook hodi hetan update loron-loron husi Green Games Oekusi.
Sem comentários:
Enviar um comentário