TOLAS liu husi inkontru nao formal ida iha Domingu, 5 Junhu 2011 estabelese komitmentu ida ho inan aman sira iha residensia Oekusi ne'ebe oras ne'e oan sira hela iha rai Cuba no istuda iha neba.
Lia fuan ne'e kasu husi Editor Prinsipal TOLAS, Sebastiana Pereira liu husi ninia dada lia ba inan aman hirak ne'ebe tuir inkontru iha loron Domingu 5 Junhu 2011 hola fatin iha Palaban ne'e.
Durante ne'e istudantes Oekusi oan sira uja ona email hirak ne'ebe diriji mai liu Tolas hodi fahe informasaun no voluntariumente TOLAS print i halo sirkulasaun ba inan-aman sira inklui dala rua ona ba iha Sub Distrio Oesilo hanesan iha Oebaha no Nianapu.
Barak liu mak sobre Karta pesoal i balun attach foto tamba ne'e liu husi inkontru permeiru ne'e TOLAS fornsese espasu hodi fo aksesu ba Inan aman sira hodi bele mos aprende loke email no haruka mensagem ba oan sira. iha oin mai mos sei fasilita atu inan aman sira bele Uja Skype hodi halo komunikasaun ba oan sira iha Cuba.
Tuir Luisa Sequeira ne'ebe durante ne'e ninia oan mane iskola iha Cuba nia so bele komunika liu husi telefone babain, maibe ida ne'e karun liu kompara ho uja USD $ 1.00 ba komunika liu husi internet hanesan chatting ou skype. " hau kuandu telf uluk ne'e bele han too dolar 5-7 agora hau sente diak uitoan, hau nia oan feto kiik mos hanorin ona email no sira uja mos facebook, mes iha Cuba hau nia oan mane so bele lee email deit tamba okupadu liu, antao hau mos hakarak hatene oinsa bele koalia ho nia baratu liu.'
Nune mos tuir Joao Tabes,, aman husi oan feto ida ne'ebe oras nee istuda hela iha Cuba" dehan agora ne'e iha internet ne'e ita bele koalia hare sira,, antao hau hakarak mak ida ne'e."
Ekspresaun hirak ne'e maka halo TOLAS oras nee kria konta email ;bafamiliaihaoecusse@yahoo.com hodi sai hanesan fasilitador ba inan aman sira hodi hetan karta husi oan sira iha rai CUBA.
Sem comentários:
Enviar um comentário