Husi JOÃOZITO VIANA
Bainhira hau le’e jornal no hare’e televizaun iha loron ohin sei hanesan horseik, hanesan mos iha fulan kotuk, nune’e mos tinan hirak liu ba. Titulu notisia konaba ukun-nain sira nia halerik hodi hetan poder mak sempre iha oin, hakerek ho tinta metan bo’ot no ho foto bo’ot, nokonu iha pajina tomak e gratuitu.
Ninia rezulta mak halerik ukun-nain sempre sai prioridade, halo uma diak ba sira, sae kareta foun no luxu nomos hetan salariu bo’ot ba sira. Ho sasan hirak ne’e mak sira bele iha dignidade…!!!
Oinsa ho notisia halerik reinu sira? Halerik reinu konaba fos karun, susuben karun, bailoron naruk, hamlaha, uma laiha ba povu, ahi mate, transporte karun, mina folin sae no beemos falta, sempre sikat subar iha pajina kotuk, ho tinta mak la klaru no letra ki’ik hamutuk ho foto bo’ot artista sira nian no entretenimentu nia le’et.
Tanba-ne’e mak, halerik reinu nian nunka bele atu rezolve iha tinan balun nia laran, karik tanba halerik reinu hanesan kategoria notisia entretenimentu nian ona. Komesa mosu kantiga foun, “Timor Leste ninia riku sira hotu ba ne’ebe los?, “ hodi nune’e nia reinu lerik wain ne’e kiak ba beibeik...?!
Tinan balun liu ba, hau rona ukun-nain sira hateten mai hau katak, “loron balun, fulan balun e tinan balun, sira sei rezolve lerik wain povu rai doben Timor Leste.” Ne’ebe agora loron barak ona, fulan mos barak dadaun ona ba tinan maibe lerik wain seidauk to’o ninia rohan.
Dalan hodi rezolve mak, oinsa muda halerik reinu mai iha pajina primeiru iha notisia aban...!!!!
Sem comentários:
Enviar um comentário